Сілавікі затрымалі намесніка дырэктара навукова-тэхнічнага цэнтра. Пра гэта паведаміў набліжаны да ГУБАЗіК тэлеграм-канал.
На «пакаяльным» відэа мужчына кажа, што ўдзельнічаў у пратэсных мітынгах і фатаграфаваўся з забароненай сімволікай на праезнай частцы. Паводле яго, ён быў падпісаны на розныя «экстрэмісцкія» каналы, у тым ліку чат-бот «Перамога».
«21 траўня 2024 года была атрыманая ў чат-боце рассылка з прапановай прагаласаваць. 22 траўня да мяне раніцай прыбылі супрацоўнікі міліцыі, якія мяне ў выніку затрымалі», — сказаў ён.
У праўладным тэлеграм-канале заявілі, што да мужчыны першапачаткова прыйшлі за перакрыццё дарог, за што «ён мог бы адкараскацца двума гадамі „хатняй хіміі“», але за рэгістрацыю ў «Перамозе» яму пагражае да пяці гадоў пазбаўлення волі.
Чытайце таксама
